ConcellosÚltima hora

A observación do ceo no Destino Turístico Starlight Trevinca, unha das principais actividades do programa de verán da Veiga

Esta cita está dentro do programa “Un verán de altura”

Unha das principais actividades do programa “Un verán de altura” do Concello de A Veiga, será a observación do ceo no Destino Turístico Starlight Trevinca o vindeiro 27 de xullo. Así, este programa conta con numerosas actividades.

 

Ceo de A Veiga. Foto: Oscar Blanco.

 

A X Marcha Nocturna entre Lobos e Estrelas, organizada polo Clube de Montañismo Montañas de Trevinca, abrirá o calendario de actividades o 20 e o 21 de xullo. Así, o 27, ademais da observación do ceo, terá lugar en Ponte a ruta turística Lagoas de Ocelo e Centro ZEC Pena Trevinca. A actividade de tiro ao prato, pola súa banda, desenvolverase os días 27 e 28 de xullo.

Xa en agosto, María do Ceo comezará as actividades co seu concerto o día dous. Así, ao día seguinte, o Clube de Montañismo Montañas de Trevinca organizará a actividade Os Ceos Nocturnos e as Bolboretas de Trevinca.

Os días 3 e 4 o fútbol praia ateigará A Veiga co I Torneo VeigArena Cup de Fútbol Praia (con categorías masculina, femenina e mixta). Así, o día 7 de agosto haberá unha visita guiada polo Museo de Liño de Requeixo. O día 9 celebraranse as festas patronais, para o día 10 presenciar as bágoas de San Lourenzo.

Pola súa banda, a V Carreira e Andaina popular A Veiga celebrarase o 11 de agosto, mentres que o día 12 haberá dúas actividades, Tecendo as Rúas e a V Ruta de Pinchos A Veiga, coas actuacións da Charanga Fuego e Zorrollos Band. Ademais, o día 14 terá lugar a actividade Montaña para todos: “Coñece Trevinca”.

O deporte estará presente neste concello no Maratón de Fútbol Sala os días 16, 17 e 18 de agosto no Pavillón da Veiga. O 16 tamén terá lugar a actuación do Mago Teto e o 17 o concerto da Escola Municipal de Música.

O día 24 estará ateigado de actividades, xa que terán lugar a Cicloruta Interpretativa pola Senda de Xares, os Cantos de Taberna e o Maratón de Estrelas “Orientación baixo as estrelas”. Así, para rematar este programa, o día 31 repetirase a ruta turística Lagoas de Ocelo e Centro ZEC Pena Trevinca.

Para facer a inscrición nas distintas actividades é necesario poñerse en contacto con calquera dos seguintes teléfonos:

988 35 00 00 (Concello)

988 35 01 30 (Oficina de Turismo)

Artigos relacionados

Back to top button