Ademais de atetismo e fútbol, a xornada dominical das Festas do Cristo acollían a tradicional proba de orientación que se celebraba pola mañá á beira do río, no Barco de Valdeorras.
Organizada polo Club Peña Trevinca xunto coa A.D. Limiactiva en colaboración co Concello do Barco, a media mañá celebrábase unha sesión de xogos previos para nenos e maiores, e xa pasadas as 12:30h. comezaba a carreira propiamente dita, por parte do paseo do Malecón e o Salgueiral (atravesando a pasarela) na que tomaron parte 26 deportistas de diferentes categorías, dende prebenxamín ata veterano. Os percorridos foron unha mestura entre liñais e score (sen orde), saínda todos xuntos.
A Copa Deputación de Orientación consta de 3 probas e na clasificación final puntúan as dúas mellores participacións das 3 probas programadas. A entrega de premios farase ao final da terceira.
Máis información na vindeira edición de O Sil Deportivo.
Fotos: Ángeles Rodríguez /Mónica G. Bellver.