A ourensá Cristina Pato está de xira polos Estados Unidos co Silk Road de Yo-Yo Ma

O repertorio inclúe a peza composta pola gaiteira ouresná sobre a perda da memoria da súa nai: My Lethe Story: O Río do Esquecemento

Cristina Pato con Yo-Yo Ma aquí. /Foto: Max Whittaker.

O 7 de abril comezaba a xira de Cristina Pato polos Estados Unidos con Silk Road Ensemble, a formación liderada polo cellista Yo-Yo Ma, con once concertos previstos en cinco estados que rematará o 23 de abril en Florida.

Nesta xira inclúense un repertorio único que inclúe o tema The Latina 6/8 Suite, peza concibida e encargada por Pato ao compositor Edward Perez para o seu último disco, Latina; o Cuarteto para o fin dos tempos de Oliver Messiaen, con Yo-Yo Ma ao cello e Cristina ao piano; e a peza composta por Pato inspirada na demencia da súa nai: My Lethe Story: O Río do Esquecemento. A xira inclúe ademais algúns arranxos de música tradicional de todo o mundo e pezas novas de Ljova, Jia Daqun e Colin Jacobsen.

Esta última peza foi escrita pola gaiteira ourensá en 2012 e será interpretada por Yo-Yo Ma ao cello, Kinan Azmeh ao clarinete, cuarteto de corda e percusión e Pato ao piano e á gaita. A obra combina narración con música de cámara e está baseada na conexión entre a historia da entrada dos romanos a Galicia polo río Limia (o río do esquecemento), a mitoloxía (o río Lete do inferno de Hades) e os patróns de repetición constante que forman parte da realidade dunha persoa con demencia e combina a paixón de Cristina pola neurociencia e a historia persoal da perda de memoria da súa nai.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies