Un equipo do programa “80 cm” da 2 de TVE estivo vén de realizar unha gravación en Parada de Sil ao longo de todo un día, capitaneado polo guionista do programa, o catalán Toni Burón (á fronte dun equipo de cinco persoas), a quen o Concello lle agradece que elixira este municipio para a realización deste programa.
As impresións de Toni Burón é que encontraron o que buscaban no senso de estar rodeados dunha natureza exuberante e nun lugar no que a xente valora o seu entorno e o coida, o que para o Concello é un orgullo.
O programa, presentado por Juanjo Pardo e que se emitirá o 27 de xuño, realizábase no PR-G98 Cañon do Sil-Santa Cristina, ruta deseñada polo presidente do Club de montaña Ribeira Sacra, Xosé Antón Vázquez, con sede en Parada de Sil.
Chamoulles poderosamente a atención a rede de miradoiros en torno ao Canón do Sil, nomeadamente o de Fontiñas, que o Concello porá en valor en pouco tempo e Os Torgás-Balcóns de Madrid onde fixeron tomas cun barquilleiro para recordar o que día a lenda sobre os barquilleiros e a emigración histórica.
Tamén comenta Toni Burón que o deixou impresionado o Castiñeiro de Entrambosríos, de máis de 700 anos de idade, como unha excepcional testemuña do tempo sendo unha parte importantísima da memoria compartindo tamén a reflexión sobre a calidade da castaña da Ribeira Sacra e a necesidade de pola en valor e coidar os soutos.
Así mesmo na gravación aparecerán as grandes capas de musgo tapizando as rochas que son como un pequeno ou grande colchón sobre as mesmas.
Fotos cedidas.