Primeiro foron os menores de 14 anos e agora tamén os maiores. Mañá sábado 2 de maio ás 6:00, despois de 48 días de confinamento, os adultos poderán saír de casa para dar un paseo e/ou facer deporte. Entrarán en vigor así as novas medidas de alivio que presentaba onte o ministro de Sanidade, Salvador Illa, no marco da “desescalada” presentada polo presidente do Goberno Pedro Sánchez. Trátase dun novo paso adiante, nos últimos días, que autoriza aos cidadas a saír separados por franxas horarias e idades.
Poderase saír a facer deporte en solitario, mantendo a distancia de seguridade, sen acotamento espacial dentro do propio municipio ou a pasear “cun convivinte” a un kilómetro do domicilio, coas seguintes restriccións horarias:
Paseos e deporte para maiores de 14 anos: de 6:00 a 10:00 e de 20:00 a 23:00 horas.
Saídas de persoas dependentes (acompañadas por un coidador) e maiores de 70 anos: de 10.00 a 12.00 e de 19.00 a 20.00.
Unicamente se poderá facer unha saída ao día e as franxas horarias, servirán para evitar aglomeracións polo que segundo explicou Illa “non serán de aplicación en municipios de menos de 5.000 habitantes, onde non existe ese risco”, onde a limitación será entre as 6:00 e as 23:00h.
¿Que se pode facer?
- Actividades deportivas individuais, sen contacto e paseos diarios desde o 2 de maio, unha vez ao día. A práctica de calquera deporte sen contacto, individual, unha vez ao día, e dentro do municipio de residencia.
- Non se permiten desprazamentos a outros municipios.
- Saír acompañado dunha soa persoa coa que se conviva a unha distancia máxima de un kilómetro -ou cun coidador e é necesario- e dar un paseo ao día.
- Exclúese destas actividades a persoas con síntomas de coronavirus ou en corentena.
- En todas as actividades hai que manter as distancias interpersonais (dous metros recomendados).
Con respecto ao deporte, nesta fase cero da desescalada están permitidos: adestramentos individuais de profesionais e federados. Adestramentos básicos de ligas profesionais (para deporte federado); e actividade deportiva sen contacto (montar en bici, correr, patinar, surf, etc.) sempre que se faga de forma individual e coa protección axeitada (distancia, mascarilla en deportes non acuáticos cando sexa posible, etc.)