En portadaÚltima hora

A Pasarela O Barco de Moda 2019, nun suplemento do número de outubro de O Sil

Nel aparecen algúns dos participantes no desfile organizado polo Centro Comercial Aberto

Parte superior da portada do suplemento.

 

Durante anos o Periódico O Sil sacou á rúa dúas edicións anuais da súa Revista de Moda para achegar aos seus lectores, non só as últimas tendencias nas tempadas primavera/ verán e outono/ inverno, senón as novidades que se ían producindo no sector.

Nesta ocasión e por segundo ano facémolo a través dun suplemento incluído no número de outubro que xa está á venda en quioscos e librarías. Nel achegamos ao lector as propostas dalgúns dos establecementos de moda e complementos que participaron na Pasarela O Barco de Moda, organizada polo Centro Comercial Aberto O Barco, que se celebraba a mediados de setembro na praza do Concello.

 

O pase de Diana Ortiz co deseño de Jorge Álvarez no pase final do desfile. Foto: Carlos G. Hervella.

 

Nesta segunda edición da pasarela, o CCA decidía ademais apostar por xente da casa tanto para a presentación, por conta do actor barquense Christian Escuredo; como para a posta en escena, con modelos afeccionados; así como para a coordinación que correu a cargo da ex modelo Diana Ortiz, que pechou o desfile cun deseño en negro e prata do creador vianés Jorge Álvarez que convinou cuns zapatos e un clunch en tons morados, en homenaxe ao Centro Comercial Aberto e á noite contra a violencia machista.

Neste monográfico tamén incluímos unha guía de compras con algúns dos comercios asociados ao Centro Comercial Aberto O Barco no que a poboación pode atopar as últimas tendencias en moda, beleza e complementos. A totalidade dos establecementos asociados ao CCA aparecen na contraportada.

Dende aquí damos as grazas a todos os que fixeron posible tanto a celebración da pasarela como a edición do suplemento (asociados, Centro Comercial Aberto O Barco, anunciantes, lectores,… ).

Guía de compras no suplementos O Barco de Moda.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close