ConcellosGalerías de fotosÚltima hora

“A Pequena”, con pregón de Ignacio Candal e homenaxe aos coveiros, antesala da Festa das Covas de Vilamartín

Os homenaxeados este ano foron Francisco Quintas e Luis Estévez

A mini ruta, ou tamén coñecida como “A pequena”, e o homenaxe aos coveiros, fixeron de previa á Festa das Covas de Vilamartín, que terá lugar mañá, día 3 de agosto, a partires das 20:30 horas.

 

O encargado do pregón, Ignacio Candal.

 

O pregón, este ano a cargo do maxistrado e profesor de universidade, Ignacio Candal, comezaba pasadas as oito e media da tarde. O seu discurso comezaba con palabras de agradecemento aos coveiros, “é un orgullo facer o pregón”, afirmaba.

Así, explicaba que o tema deste discurso non ía ter que ver coa súa profesión, senón co viño e os seus traballos correspondentes, e co seu Vilamartín natal. “Todo comeza co enxerto”, afirmaba á vez que recordaba que Vilamartín era a vila do enxerto anos atrás. Ademais, as súas palabras tamén fixeron alusión ás covas como lugar tradicional e citou versos de Rosalía de Castro.

 

Un dos coveiros homenaxeados, Francisco Quintas.

 

“Non debemos perder as nosas tradicións, bebamos viño, comamos pan e vivamos en harmonía; a maioría dos problemas soluciónanse falando, e se é cun vaso de viño adiante, soluncionaranse mellor e antes. Vivamos e bebamos nas nosas covas e que viva Vilamartín”, concluía.

O pregón de Ignacio Candal daba paso aos coveiros homenaxeados, os cales este ano foron Francisco Quintas, e Luis Estévez “O Piriñó”. Ademais, tamén se lle entregaba o premio a mellor cartel a Álvaro Purré. A continuación, a gastronomía, o viño e a música inundaban esta mini ruta a cargo dun conxunto de gaitas, un grupo trivés de cantos de taberna, e un DJ.

 

Outro dos coveiros homenaxeados, Luis Estevez “O Piriñó”.

Texto: Alba Prada

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close