A pianista trivesa María Domínguez actuará en xuño na súa vila

Dará un concerto o 7 de xuño a partires das oito da tarde no Auditorio Julio Vázquez da Pobra de Trives

Na súa vila natal tocará no vindeiro mes de xuño a pianista trivesa María Domínguez, actualmente afincada en Bélxica. Está especializada na música contemporánea e segue a desenvolver a súa carreira tanto como solista como en diferentes agrupacións orquestrais, de cámara e proxectos interdisciplinares en terras belgas. Na súa traxectoria musical conta con concertos, gravacións, investigacións e varios galardóns e recoñecementos.

Esta gran pianista da que sobresa ademais a súa faceta como creadora e directora artística, chega ao auditorio de Trives o vindeiro 7 de xuño, venres. O concerto dará comezo ás oito da tarde.

As entradas para este evento teñen un prezo de 8 € e estarán a venda desde o 18 de maio na Oficina de Turismo da Pobra de Trives e nas librarías da vila (Librería Estampero e Mi Libro), tamén se poderá mercar a entrada en taquilla no Auditorio o propio día do concerto desde unha hora antes da actuación. O aforo é limitado

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies