A piscina climatizada do Barco, en obras

O Concello pretende ter listos en breve os pregues de condicións para poder sacar a concurso a adxudicación desta instalación deportiva

Dende finais do mes de marzo están en marcha as obras de reparación e mantemento da piscina climatizada municipal do Barco. A intervención consiste, por unha banda, na ampliación do rebosadeiro do vaso da piscina, substitución dos recercados dos ocos, colocación de nova porta de acceso á instalación, renovación dos acabados das duchas e aseos, reparación de sumidoiro de baños e duchas, reparación de sumidoiro de cuberta, tratamento de perdas do vaso da piscina, renovación do corredor entre a piscina e os vestiarios, pintura interior e outra actuacións, segundo consta na documentación do contrato de obras. A duración desta intervención estímase nuns tres meses. Tamén se iniciaban na última semana de marzo as obras de reforma no referente á instalación enerxética da piscina.

Por outra banda, dende o Concello do Barco séguese a traballar na elaboración dos pregues de condicións para poder sacar a xestión da piscina a concurso. “A nosa intención é, paralelamente ao desenvolvemento das obras, sacar a concurso a súa explotación”, indica o concelleiro de Deportes do Barco, Aurentino Alonso.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies