A competición celebrarase este sábado, 26 de xaneiro, en xornada de tarde
Este sábado 26 de xaneiro celebrarase na Piscina Rosario Dueñas de Ourense, o campionato galego de inverno de natación artística nas categorías de base.
Organizada conxjuntamente pola Federación Galega de Natación e o Club Sincro Ourense, a competición comezará a partir das 16:45 horas e contará coa participación de case 300 nadadores de 8 clubs galegos. Haberá competición de rutinas libres combinadas nas categorías de base 1, na que competirán 5 formacións; base 2, con 7 grupos; e base 3, onde serán 8 as rutinas en competición. O club anfitrión, o Sincro Ourense, estará presente nas tres probas que se disputarán.