A Plataforma da Sanidade Pública de Valdeorras critica a situación deste servizo na comarca

Ademais chama a unirse e a asistir á manifestación convocada por SOS Galicia o domingo 10 de febreiro en Santiago. Haberá autobuses con saída dende O Barco

A Plataforma Sanitaria de Valdeoras (PSV) mantiña o xoves 31 de xaneiro unha xuntanza para analizar a situación na que se atopa a atención sanitaria na comarca. “A imposición pola Xunta da nova Lei de Saúde, a que nos opuxemos nunha masiva mobilización os veciños e veciñas de Valdeorras, Viana e Trives, acrecenta día a día o deterioro do servizo. Ao continuo desmantelamento do hospital comarcal, á falla de pediatras e especialistas, á desatención profesional nos Centros de Atención Primaria coa non substitución de médicos de familia, únese o colapso dos servizos de urxencias hospitalarios que estamos a padecer”, aseguran nun comunicado remitido aos medios neste venres 1 de febreiro.

A PSV di que “segue a defender unha atención sanitaria de calidade que responda aos intereses dos veciños e veciñas” e, nese senso, chama a unirse e a asistir á manifestación convocada por SOS Galicia o domingo 10 de febreiro en Santiago de Compostela “porque non podemos consentir que se xogue coa Saúde dos galegos”. Haberá autobuses con saída dende a praza do Concello do Barco ás 8h. dese día.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies