OurenseÚltima hora

A Plataforma en defensa do ensino público rechaza a proba de avaliación de 3º de Primaria

O rexeitamento era feito público nunha rolda de prensa celebrada o 25 de maio en Ourense
Rolda de prensa celebrada en Ourense.
Rolda de prensa celebrada en Ourense.

Na rolda de prensa celebrada na mañá do 25 de maio en Ourense, a Plataforma en defensa do ensino público, manifestaba naa súa “oposición á proba de avaliación de 3º de Primaria que terá lugar os días 27 e 28 na nosa Comunidade”. A este respecto “CCOO Ensino, apoia as medidas de resistencia contra esta proba de avaliación individual a todo o alumnado de terceiro curso de educación primaria, propostas pola CONFAPA” ao tempo que envía unha mensaxe de tranquilidade e normalidade ás familias: “a non realización da proba non terá ningunha repercusión no expediente do alumnado, xa que según manifestou ante a prensa o Director Xeral, figurará como non presentado” aseguran dende Comisións.

A Plataforma en defensa do ensino público de Galicia, está configurada por CCOO, UGT, CONFAPA, SE, IESGA e Escola Viva que representan á comunidade escolar de Galicia, e tal como sinalan no comunicado feito público, “opoñémonos a dita proba porque: pódese ter en conta para a repetición do alumnado; avalía unicamente as competencias de lingua e matemáticas en detrimento das outras materias do currículo; clasifica ao alumnado desde idades temperás, ao reflectirse o seu resultado no expediente;non se adapta ao alumnado con máis dificultades ao propor soamente adaptacións de tempo e técnica;fomenta a competencia entre os centros e a súa estigmatización; non terá en conta as variables contextuais dos centros, ao centrarse nun único aspecto do sistema de aprendizaxe; desconfía da profesionalidade do profesorado sometendo a verificación a valoración da proba externa; desautoriza ao profesorado rompendo a avaliación continua que xa fai do seu alumnado; e incrementa a carga de traballo nos centros no final de curso, polas tarefas propias de execución e valoración desta proba individual.

Por todo isto, a Plataforma “esixe da administración educativa a paralización e a retirada da devandita proba en Galicia”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close