SanidadeÚltima hora

A Plataforma Sanitaria de Valdeorras apoiará as manifestacións da Rúa e de Santiago

A da vila valdeorresa está prevista para o vindeiro 1 de febreiro ás 16:30h.

 

O salón de plenos do Concello do Barco acollía na tarde do 22 de xaneiro a primeira asemblea deste ano 2020 da Plataforma Sanitaria de Valdeorras, da que forman parte representantes de sindicatos, asociacións e organizacións políticas da comarca, así como membros da Xunta de Persoal do Hospital Comarcal de Valdeorras.

No encontro a plataforma comprometíase, “unha vez máis, a seguir traballando a nivel local e comarcal para recuperar recursos e conseguir estruturas sanitarias e profesionais suficientes para dispoñer dunha atención sanitaria digna, tanto no que atinxe á Atención Primaria como na hospitalaria”.

Neste senso, respaldará accións reivindicativas como a manifestación convocada para o vindeiro 1 de febreiro na Rúa para pedir un novo centro de saúde. A marcha partirá ás 16:30h. dende o Centro de Saúde e rematará na praza do Concello coa lectura dun manifesto. “Dende O Barco sairemos en caravana de coches dende o hospital ás 15.45 horas”, sinalan dende a plataforma.

 

 

Por outra banda, esta entidade respaldará a mobilización que SOS Galicia convoca na defensa da Sanidade Pública o día 9 de febreiro, ás 12 horas, en Santiago de Compostela. “Chamamos a xente a asistir a esta manifestación na que comprometeron a asistencia todos as plataformas das vellas áreas sanitarias.  A Platafoma Sanitaria de Valdeorras porá a disposición dos veciños autobuses. Os teléfonos para reservar prazas son: 630731130 / 649955218. Tamén haberá un buzón no edificio vello do Concello de O Barco”, segundo informa a plataforma.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close