En portadaÚltima hora

A Plataforma Sanitaria de Valdeorras volverá a mobilizarse

Iniciará unha campaña informativa polos concellos e apoiará a manifestación que se celebrará en xaneiro na Rúa en demanda dun novo Centro de Saúde

 

Na tarde do 11 de decembro a Plataforma Sanitaria de Valdeorras, que se reactivaba hai apenas quince días, celebraba unha asemblea aberta na que se abordaba a estratexia a seguir na defensa da sanidade pública e do Hospital Comarcal Valdeorras.

Os asistentes, de diferentes concellos de Valdeorras e tamén da comarca trivesa, plantexaban cuestións como a importancia de mobilizar novamente á poboación e, para iso, vaise realizar unha serie de charlas informativas polos diferentes concellos que integran o distrito para explicarlle cal é a realidade sanitaria na zona aos veciños, así como “os recortes realizados na mesma”.

Ademais desta campaña divulgativa, colocarase cartelería informativa nas rúas e a plataforma ten previsto realizar diversas mobilizacións. Tanto o calendario das charlas polos concellos como os actos reivindicativos concretaranse nunha nova asemblea que se celebrará despois das vacacións do Nadal, o vindeiro 15 de xaneiro.

Tamén se acordaba apoiar á manifestación que se celebrará en xaneiro na Rúa para reivindicar un novo centro sanitario e continuarase apoiando á plataforma sanitaria de Verín, que segue mobilizándose tras o peche do paritorio do seu hospital.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close