ConcellosÚltima hora

A Pobra de Trives celebra esta fin de semana as Festas do Cristo e da Dolorosa

O programa comeza esta noite con baile a cargo do trío Fussión e unha tirada de fogos artificiais

Procesión do Santo Cristo da Misericordia en Trives. /Foto: Carlos G. Hervella.

 

Dende hoxe, venres 13 de setembro, e ata o domingo día 15 A Pobra de Trives vestirase de gala para celebrar as Festas do Cristo e da Dolorosa.

O programa abrirase esta noite, a partir das 22h. con festa e verbena a cargo do trío Fussión na praza do Reloxo e xa na medianoite, unha sesión de fogos artificiais a cargo do C.D. Trives. Con todo mañá, 14 de setembro, será o Día do Cristo cun pasarrúas ás 10:30h. a cargo da Banda de Municipal de Música de Celanova e a procesión co Santo Cristo da Misericordia ás 12h. acompañada pola charanga Terras do Bibei, seguida da misa. Xa pola tarde haberá dous concertos na praza do Pilón: un da Coraliña Cantora ás 17:30h. e outro da Banda da Celanova ás 19h. Ás 21h. na rúa San Martín actuará o grupo Days Gone e xa de noite ás 22:15h. a orquestra América de Vigo amenizará o baile.

Ao día seguinte tocaralle o turno á Virxe das Dores. A xornada comezará cun pasarrúas a cargo da Banda Municipal de Música de Ramirás e ás 12:30h. celebrarase a misa, cantada polo Orfeón Trivés, seguida da procesión da Dolorosa. Pola tarde, a banda de Ramirás dará un concerto na praza do Pilón (19h.) e o grupo Arizona porá o broche á festa coa actuación a partir das 21:30h. na rúa San Martín.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close