ConcellosEn portadaÚltima hora

A Policía Local do Barco investiga a vertedura de entullo no Porto da Barca

Así o aseguraba na sesión plenaria o alcalde barquense, Alfredo García, dando resposta a unha das preguntas da oposición

 

O alcalde do Barco, Alfredo García, intervindo na sesión plenaria do 2 de maio.

“Non temos ningunha pista sobre quen foi causante da vertedura do Porto da Barca, pero a Policía Local está investigando eses feitos”. O alcalde do Barco, Alfredo García, respondía deste xeito á pregunta que lle formulaba o concelleiro de Riada Cidadá, Félix García Yáñez, na sesión plenaria que a Corporación barquense celebraba na tarde do 2 de maio. Yáñez pedía información sobre eses feitos e tamén que se procedese a retirar o entullo e os restos de plásticos que “poden verse neste lugar tan emblemático da vila”.

Nesta sesión plenaria, a última ordinaria da actual lexislatura, aprobábase a adhesión do Concello do Barco ao “Pacto de alcaldes polo clima e a enerxía”, unha autorización da transmisión dunha praza de garaxe do edificio multiusos municipal, así como varios puntos relativos a contas xustificativas de subvencións nominativas e unha providencia da alcaldía para xerar crédito para unha máquina segadora do campo de fútbol (por valor duns 10.000 euros) e para cambiar os banquiños dos xogadores (por un importe duns 7.000 euros).

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close