CulturaCulturaÚltima hora

A “Porta máxica do Camiño Inmersivo” abrirase o sábado 28 de setembro na Rúa

A localidade valdeorresa acollerá a segunda xornada deste proxecto cultural enmarcado na promoción do Xacobeo 2021

A “porta máxica do Camiño Inmersivo”.

 

O vindeiro sábado 28 de setembro A Rúa será o escenario do “Camiño Inmersivo”, unha novidosa proposta cultural enmarcada dentro das actividades vencelladas á promoción do vindeiro Xacobeo 2021. A primeira xornada tiña lugar en Verín e na localidade valdeorresa abrirarase por segunda vez a “porta máxica”.

Unha inmersión é una nova forma de vivir a ficción en primeira persoa, mergullándose nunha historia como protagonista da mesma. Trátase dunha experiencia próxima ao teatro, ao cine e á improvisación que neste caso ten o Camiño de Santiago como fío condutor. “A historia na que serán absorbidos como personaxes está guiada por actores profesionais”, explican dende a organización, adiantando que os participantes “coñecerán a un científico tolo, a peregrinos de todas as épocas e ao mesmísimo Alfonso II”.

A inmersión estará dividida en tres partes, que terán lugar en diferentes espazos e a diferentes horas durante todo o sábado: “Cabina de contexto” ás 10:30h. na praza do Concello; “Porta máxica” ás 12:30h. na praza da igrexa de NS de Fátima en Fontei; e Portal do tempo, con dous pases: ás 17h. e ás 19h. en localización secreta. As dúas primeiras actividades son gratuítas, cunha duración de aproximadamente 40 minutos. A terceira, a gran inmersión, custa 12 euros por persoa (ou 20 no caso de ir acompañado) e unha duración de dúas horas. As prazas son limitadas e pódense reservar por mensaxe de Facebook a O camiño inmersivo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close