En portadaÚltima hora

A presentación do novo disco de Abertal trasládase ao Centro Cultural Avenida

O concerto do XXX aniversario da agrupación de música e baile tradicional será hoxe, 8 de agosto, ás 22:30 horas na Rúa
Abertal nunha actuación no Centro Cultural Avenida./ Foto: Mónica G. Bellver.

Da man de Manuel Durán, fundador e director, nacía en 1989 a escola de música e baile tradicional do concello da Rúa da que se nutre dende entón Abertal, unha agrupación folclórica que este ano cumpre 30 anos de historia.

Ao longo destes seis lustros e con tres discos ás costas, infinidade de actuacións dentro e fóra de España e numerosos recoñecementos, foron moitas as persoas que pasaron pola agrupación, contando actualmente con 120 alumnos; banda de gaitas; grupo de baile; grupo de pandeiretas; grupo de acordeóns; coro; e grupo de cantos de taberna.

O fruto do seu traballo recollíano no disco Abertal gravado en 2001. Anos despois, no 2009, editaban o segundo traballo discográfico titulado No Forum Gigurrorum que inclúe un DVD cun documental conmemorativo do XX aniversario, e este ano publicarán o terceiro, Co noso acento, disco que sairá publicado xunto a un libro de 160 páxinas coa historia e fotos de Abertal, que presentarán hoxe no Centro Cultural Avenida a partir das 22:30h.

Inicialmente estaba previsto que o concerto se celebrara no Aguillón, no antigo campo de fútbol pero dende o Concello anunciaban que finalmente será no Avenida.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close