A promoción de Historia 1979/84 da Universidade de Santiago celebra a súa reunión anual no Pazo do Castro

Os alumnos que estudaron Historia na Universidade de Santiago na promoción 1979/84 veñen reuníndose unha vez ao ano dende 1994. E, cada vez, nun lugar diferente. Desta volta esta reunión tiña lugar en Valdeorras o 22 de xuño cun xantar no Pazo do Castro (O Barco).

Neste encontro participaban unha trintena de persoas, entre elas os valdeorreses Santiago Ferrer, Amparo Quiroga e Enrique González. “Sempre é unha ledicia estar con todos os compañeiros, lembrarnos da nosa época da facultade, é moi bonito seguir xuntos, hoxe non estamos todos pero si unha gran maioría”, dicía un dos participantes, José Luis Fernández.

 

 

O coordinador da xuntanza foi este ano o rues Enrique González, quen propoñía no encontro do 2018 a idea de celebrar o vindeiro en Valdeorras, “e todo o mundo aceptou encantado”. Amosábase ademais moi satisfeito “de ter traído a estes compañeiros a este recuncho da Galicia infinda, como dicía Florencio Delgado Gurriarán. Estou contentísimo de telos aquí e espero que isto se poida repetir moitos anos”.

Tamén contenta se manifestaba Amparo Quiroga de “recibir aquí aos compañeiros, pasamos moitos anos xuntos, ademais os anos da xuventude, e querémonos moito”.

Fotos: Carlos G. Hervella.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies