En portadaSanidadeÚltima hora

A provincia chega aos 224 casos de Covid, un deles ingresado no Hospital de Verín

O Hospital Universitario de Ourense rexistra 8 ingresos, tres deles en UCI, segundo Sanidade

Exterior do Hospital de Verín./ Foto: Carlos G. Hervella.

 

A última actualización de casos activos de Covid-19 na Área Sanitaria de Ourense, Verín e O Barco indica que hai 12 máis que onte. Así neste 25 de agosto son 224 os casos activos na provincia, con 6 ingresados en planta e 3 pacientes en UCI no Hospital Universitario de Ourense e un ingreso en planta no Hospital de Verín, que ata o de agora estaba libre de virus. Os 214 pacientes de Covid restantes están a seguemento a domicilio.

Polo de agora, o Hospital Público de Valdeorras non rexistra ningún ingreso por coronavirus. O total de casos rexistrados na provincia ascende a 2.286, con 1.928 curados e 134 falecementos. Na provincia lévanse realizado 40.892 probas PCR.

87 casos en residencias de maiores galegas

Segundo os últimos datos da Consellería de Sanidade nas residencias galegas rexístranse 87 casos activos en residencias de maiores galegas: 68 en usuarios e 19 en traballadores. No caso dos residentes hai 11 positivos na Residencia Orpea Coruña (Culleredo), 56 na Residencia O Incio (O Incio) e 1 na Residencia DomusVi Lalín.

Con respecto aos casos de traballadores, hai dous máis que onte e a distribución é a seguinte segundo o centro: 4 na Residencia Orpea Coruña (Culleredo), 1 na Residencia DomusVi Monforte (Monforte), 8 na Residencia O Incio (O Incio), 1 na Residencia de Maiores de Paradela, 1 na Residencia de Maiores San Bartolomeu (Xove), 1 na Residencia DomusVi Barra de Miño (Coles), 2 na Residencia DomusVi Lalín e 1 na Residencia Volta do Castro (Santiago).

Ademais un 1 traballador da Residencia de discapacitados As Flores (Ourense) con Covid.

Artigos relacionados

Back to top button