En portadaÚltima hora

A provincia rexistra 1.109 casos activos de Covid, 108 menos que onte

Tamén descenden os ingresos na Área Sanitaria de Ourense, Verín e O Barco : un total de 91 en planta (8 deles no Hospital de Valdeorras) e 16 na UCI, segundo Sanidade

Sinalización para realizar probas de Covid no Hospital de Valdeorras./ Foto: A.R.

 

Seguen diminuíndo os casos de Covid na provincia. A Área Sanitaria de Ourense, Verín e O Barco conta con 1.109 pacientes con infección activa, 108 menos que onte, segundo os últimos datos, actualizados ás 18h. do 15 de febreiro, e publicados esta mañá pola Consellería de Sanidade. Caen tamén os novos casos confirmados por PCR nas últimas 24 horas son un total de 15 (fronte aos 24 de onte).

Redúcense así mesmo os ingresos. Hai 91 persoas hospitalizadas en planta (12 menos que onte) e 16 na Unidade de Coidados Intensivos (1 máis que onte). O Hospital de Valdeorras continúa con 8 ingresos de pacientes en planta, o Hospital de Verín ten 4 ingresos (1 menos que onte) e o Hospital Universitario de Ourense ten 78 en planta (9 menos que onte) e 15 (1 máis que onte) na Unidade de Coidados Intensivos. Finalmente, a Clínica Santa Teresa ten 1 ingreso en planta e outro en UCI e o Centro Médico El Carmen queda libre de virus.

O total de casos rexistrados ata o de agora na provincia ascende a 14.339, con 12.834 curados e 396 falecidos (Sanidade notifica onte 3 novos falecementos). Polo de agora lévanse realizado 197.052 probas PCR e 97.273 probas serolóxicas.

Artigos relacionados

Back to top button