Os casos activos de Covid-19 na Área Sanitaria de Ourense, Verín e O Barco seguen a subir. Segundo a última actualización de datos feita pública pola Consellería de Sanidade, os casos activos na provincia son 212, 9 máis que onte.
Dese total, hai 9 pacientes ingresados en planta, dous máis que onte, e 3 pacientes en UCI no Hospital Universitario de Ourense, mentres que os 200 restantes están a seguemento a domicilio. Polo de agora, os hospitais de Valdeorras e de Verín non rexistran ningún paciente ingresado por coronavirus.
O total de casos rexistrados na provincia ascende a 2.272, con 1.926 curados e 134 falecementos. Ata agora realizáronse na provincia 40.742 probas PCR.
Casos activos en Galicia
A Dirección Xeral de Saúde Pública da Consellería de Sanidade informa de que o número de casos activos de coronavirus en Galicia, tras a última actualización, é de 2.452 deles 1.236 son da área da Coruña, 321 da de Lugo, os xa mencionados 212 da de Ourense, 141 da de Pontevedra, 155 da área de Vigo, 274 da de Santiago, e 113 da de Ferrol.
Do total de pacientes positivos, 12 están en UCI, 70 en unidades de hospitalización e 2.370 no domicilio. Polo de agora, en Galicia hai un total de 11.956 persoas curadas, rexistrándose 633 falecementos. Os últimos falecementos corresponden a dúas mulleres de 91 e 89 anos, e un home de 92, todos da área sanitaria da Coruña, e con patoloxías previas. O número de PCR realizadas é de 305.847.
