Seguen incrementándose os casos activos de coronavirus na Área Sanitaria de Ourense, Verín e O Barco. Nas últimas 24 horas rexistrábanse 19 positivos máis, o que supón un total de 243 casos activos hoxe. Dese total, 9 están ingresados en planta e 3 pacientes en UCI, mentres que os 231 restantes están a seguemento a domicilio.
Un total de 11 pacientes están ingresados no Hospital Universitario de Ourense, mentres que o Hospital de Verín continúa cun ingreso en planta. Polo de agora, o Hospital de Valdeorras mantense libre de virus.
O total de casos rexistrados na provincia ascende a 2.309, con 1.932 curados e 134 falecementos. Na provincia lévanse realizado 41.274 probas PCR.