SanidadeÚltima hora

A provincia rexistra 400 casos activos de Covid, dos que 39 están hospitalizados

 

Mantense a curva en descenso de casos activos de Covid-19 na provincia de Ourense. Segundo os datos notificados hoxe pola Consellería de Sanidade (actualizados ás 18h. do 5 de decembro), contabilízanse 400 positivos (2 menos que onte), mentres as hospitalizacións en planta son 39 (2 máis que onte) e 5 na UCI (as mesmas que onte). Os novos casos confirmados por PCR nas últimas 24 horas soben lixeiramente ata os 19 (fronte aos 18 de onte).

Con respecto aos ingresos o Hospital de Valdeorras mantén hoxe 5 pacientes con coronavirus en planta (os mesmo que nos últimos tres días), mentres que o Hospital de Verín ten 3 (os mesmos que onte) e o Hospital Universitario de Ourense rexistra 30 en planta (1 máis que onte) e 5 na Unidade de Coidados Intensivos (os mesmos que onte).

O total de casos rexistrados ata o de agora na provincia ascende a 7.696, con 6.999 curados e 296 falecidos. Polo de agora lévanse realizado 118.898 probas PCR e 65.275 probas serolóxicas.

Artigos relacionados

Back to top button