SanidadeÚltima hora

A provincia ten 1.217 casos activos de Covid, 95 menos que onte

A Área Sanitaria de Ourense, Verín e O Barco rexistra 103 persoas hospitalizadas en planta (8 delas no Hospital de Valdeorras) e 15 en UCI, segundo Sanidade

Exterior do Hospital Comarcal Valdeorras, no Barco.

 

Continúan en descenso os casos de Covid na provincia. A Área Sanitaria de Ourense, Verín e O Barco conta con 1.217 pacientes con infección activa, 95 menos que onte, segundo os últimos datos, actualizados ás 18h. do 14 de febreiro, e publicados esta mañá pola Consellería de Sanidade. Seguen baixando tamén os novos casos confirmados por PCR nas últimas 24 horas son un total de 24 (fronte aos 34 de onte).

En canto aos ingresos, hai 103 persoas hospitalizadas en planta (5 menos que onte) e 15 na Unidade de Coidados Intensivos (2 máis que onte). O Hospital de Valdeorras continúa con 8 ingresos de pacientes en planta, o Hospital de Verín ten 5 ingresos (1 menos que onte) e o Hospital Universitario de Ourense ten 87 en planta (4 máis que onte) e 14 (2 máis que onte) na Unidade de Coidados Intensivos. Finalmente, a Clínica Santa Teresa ten 1 ingreso en planta e outro en UCI e o Centro Médico El Carmen 2 en planta.

O total de casos rexistrados ata o de agora na provincia ascende a 14.317, con 12.707 curados e 393 falecidos (Sanidade non notifica ningún falecemento onte). Polo de agora lévanse realizado 196.606 probas PCR e 96.742 probas serolóxicas.

Artigos relacionados

Back to top button