A Área Sanitaria de Ourense, Verín e O Barco continúa rexistrando as cifras máis altas de Galicia de casos activos de coronavirus. Segundo os últimos datos que vén de comunicar a Consellería de Sanidade, a Área Sanitaria de Ourense, Verín e O Barco ten 1.563 casos activos (51 máis que os notificados onte), dos que 70 están en planta e 11 en Unidades de Coidados Intenstivos. Os 1.482 restantes permanecen a seguemento a domicilio.
O Hospital Universitario de Ourense conta con 62 pacientes ingresados en planta e 10 en UCI, mentres que o Hospital de Valdeorras mantén un único ingreso en planta e o Hospital de Verín quédase con 7 ingresos en planta, tras o falecemento de dúas persoas nas últimas horas. Ademais a Clínica Santa Teresa ten un ingreso na UCI.
O total de casos de Covid na provincia ascende a 4.912, con 3.177 curados e 172 falecementos.
Os datos galegos
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.510, deles 745 son da área da Coruña, 477 da de Lugo, 1.563 da de Ourense, 469 da de Pontevedra, 496 da área de Vigo, 624 da de Santiago, e 136 da de Ferrol.
Do total de pacientes positivos, 40 están en UCI, 210 en unidades de hospitalización e 4.260 no domicilio. Polo de agora, en Galicia hai un total de 22.123 persoas curadas, rexistrándose 790 falecementos.
