En portada

A quinta parte do emprego industrial ourensán xérase en Valdeorras

O dato coñecíase no Barco na presentación das estatísticas realizadas polo Observatorio Económico Ourensán

Un dos momentos da presentación.
Un dos momentos da presentación.

A fortaleza industrial de Valdeorras básease en dous subsectores moi concretos que teñen como nexo común a lousa. O de produtos minerais non metálicos, no que se encudra a transformación da lousa, e a é o das industrias extractivas, a enerxía e auga, que engloba principalmente ás canteiras e de xeito máis feble ao sector enerxético. Así o aseguraba o xerente do Inorde,José Manuel Rodríguez, na presentación das conclusións do Observatorio Económico da Deputación de Ourense realizada na mañá do 25 de febreiro edificio multiusos do Barco de Valdeorras. A ela asistían alcaldes, técnicos de emprego, empresarios e axentes sociais.

Nesta presentación estivo acompañado polo alcalde do Barco, Alfredo García, quen incidiu en que “Valdeorras é unha potencia económica na provincia de Ourense, os números da comarca son mellores que os da media”. De seguido, tomaba a palabra o responsable do Inorde para ir desgranando os datos referidos á comarca obtidos polo Observatorio Económico Ourensán, resaltando que “Valdeorras xenera o 18,3% de todo o emprego industrial da provincia. Trátase de lonxe da segunda maior contribución, só por detrás da que asina a comarca de Ourense, co 52,8%. O seguinte chanzo de aportacións comarcais sitúase a moita distancia do rexistro valdeorrés. É o formado polo 7,5% no que se move Carballiño e polo 4,5% que comparten habitualmente Verín e O Ribeiro”.

Algúns dos asistentes ao acto.
Algúns dos asistentes ao acto.

Asemade detallou que o emprego industrial medrou nun 5,2% nesta zona no período de ano e medio comprendido entre marzo de 2013 e setembro de 2014. Outras catro comarcas da provincia lograron alzas maiores, pero todas elas presentan unha menor contribución sobre o emprego industrial de Ourense: Carballiño conseguiu un impulso do 19%, O Ribeiro do 14%, Verín do 6,5% e Terra de Caldelas do 42%.

Ademais ao final da presentación, José Manuel Rodríguez daba a coñecer as principais liñas que rexirán os fondos da estratexia europea 2020: crecemento intelixente, sostible e integrador.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close