DeportesGalerías de fotosÚltima hora

A quiroguesa Carolina Camino, convocada pola Selección Absoluta Española de Voleibol

A xogadora do CV Ribeira Sacra forma parte da Concentración Permanente en Soria

Con só 15 anos, a deportista quiroguesa (con ascendencia no Bolo) Carolina Camino, está chegando ao máis alto do voleibol nacional feminino. Leva xa varios meses coa Concentración Permanente de menores en Soria, e sen deixar de lado ao seu equipo, o CV Ribeira Sacra co que participa en diferentes competicións por toda España, será convocada por primeira vez pola Selección Española Absoluta.

A nova dábana dende o club monfortino asegurando que “este espaldarazo significa un recoñecemento xa que levamos aportado moitas xogadoras tanto á Selección Absoluta como á Concentración Permanente” e desexando que “sexa un alicerce para outras xogadoras que en Monforte practican o voleibol”, din.

 

Carolina Camino coa selección española cadete de voleibol.

 

Como a xogadora máis xove do equipo, Carolina estará concentrada do 16 ao 22 de xuño no Centro de Alto Rendemento de Sant Cugat (Barcelona), baixo a dirección do actual seleccionador nacional Pascual Saurín, e nela estarán varias deportistas máis da Concentración Permanente, completando o plantel xogadoras que actualmente están disputando a Liga Europea Absoluta. Ademais dos adestramentos, na concentración xogaranse varios encontros con outras seleccións para “ir acoplando ao equipo novas xogadoras de cara ao futuro”, conclúen dende o Ribeira Sacra.

Fotos: Chris Overkleeft.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close