DeportesÚltima hora

A quiroguesa Carolina Camino será unha das adestradoras do VI Campus de Voleibol Ribeira Sacra Monforte

O campamento deportivo celebrarase do 19 ao 23 de agosto no pavillón municipal da Pinguela

O pavillón municipal da Pinguela, en Monforte de Lemos, acollerá entre o 19 e o 23 de agosto o IV Campus de Voleibol Ribeira Sacra, que contará entre os monitores, coa internacional Carolina Camino (ex xogadora do CV Ribeira Sacra e membro da selección permanente, natural de Quiroga).

O campus está dirixido a nenos e nenas de 7 a 16 anos e o horario será de 10 a 13:30h. Tal e como indicaron os organizadores, as 50 prazas xa foron cubertas polo que se decidiu ampliar a 60 o número final de participantes. De feito, debido ao número de inscritos e á variedade de idades e nivel técnico dos participantes (algúns deles acceden por primeira vez á práctica do voleibol), o campus contará cun amplo equipo de adestradoras internacionais e do propio club, coordinados por Manolo Martínez, entre as que estarán a actual adestradora de categorías inferiores do Ribeira Sacra Yoraxi Meleán e a xogadora internacional Carolina Camino. Completarán o plantel de monitores Rebeca Krusse, tamén internacional; Oriol Aira; e Noelia López.

Deste xeito “garantirase que a formación dos pequenos sexa a idónea”, tal como explicaban na presentación do evento deportivo, que tiña lugar na mañá do 14 de agosto no Concello de Monforte, contando coa asistencia do alcalde, José Tomé Roca; da presidenta do CV Ribeira Sacra, Yolanda Maciñeiras; do director deportivo do club, Manolo Martínez, e varias das adestradoras, entre outros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close