Publicidade
ConcellosÚltima hora

A recadación da estrea de “María Solinha” en Verín destinarase ás familias prexudicadas polo Covid-19

Este filme, dirixido polo valdeorrés Ignacio Vilar, estrearase o vindeiro 21 de xuño no autocine da vila

Cartel de María Solinha.

 

A recadación íntegra da estrea mundial de “María Solinha” do próximo domingo 21 de xuño no autocine da vila destinarse a fins solidarios, “concretamente ao apoio ás familias con menos recursos trala crise sanitaria provocada pola Covid-19, a través do Centro de Desenvolvemento Rural Portas Abertas”, tal e como informa o Concello de Verín. A primera sesión do autocine de Verín celebrarase no parking central da vila.

A estrea mundial da última película do director valdeorrés Ignacio Vilar servirá para inagurar un novo xeito seguro de disfrutar do cine en Verín, mantendo a distancia e totalmente protexidos en candaseu coche. As entradas poranse á venda próximamente en ataquilla.com e o prezo será de 8 euros, podendo ir os vehículos totalmente ocupados.

A entrada ao parking central de Verín realizarase pola entrada da Avenida de Portugal (fronte ao Concello) de xeito único, quedando as restantes habilitadas para saídas de emerxencia e servizos.

As prazas estarán delimitadas con número fixo e as rúas de cada fila demarcadas con señalización especial.

Menús autocine

Os hosteleiros de Verín servirán nesta sesión piloto os seus menús a través da app Rumbo Verín que teñen desenvolto cun servizo propio a domicilio. Dende ela, baixo reserva ou no momento, poderán solicitar o menú autocine ou acceder a carta completa que cada esablecimento teña na app, a través dun código Qr.

A gala de estrea precederá á proxección da película. Dende as 21.30 os actores e actrices e o director estarán presentes para realizar as sesións fotográficas co público, e a partir das 22.30 comezará a gala de inauguración. Ás 23:00 comezará a película propiamente dita.

Os asistentes poderán realizar os seus pedidos á hostelería local durante todo o tempo. Dende o Concello de Verín lembran que non se poderá aparcar no parking central dende o sábado 20 de xuño, data en que quedará acotada a zona para o autocine.

Os vehículos autorizados, por motivos de visibilidade entre filas, son só automóviles e 4×4, quedando excluídas furgonetas e autocaravanas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close