Ata non hai moitos anos, Galicia non estaba considerada unha zona produtora de oliveiras. Sen embargo, o panorama ten mudado moito e son numerosos os produtores que están a optar por este cultivo que, xa dende a antigüidade, ten tradición en comarcas como Valdeorras.
De proxectos de produción de olivas en Galicia falaba o cuarto ponente das Xornadas sobre as Oportunidades do Medio Rural na tarde do 15 de xaneiro no edificio mulitusos do Barco. Tratábase de Rubén Gutiérrez García-Tembleque, director do departamento Agro de Aceites Abril, que era presentado polo alcalde do Barco, Alfredo García. Na súa intervención amosaba como é o cultivo das oliveiras e explicaba o proxecto desta empresa ourensá en relación coa aposta pola produción galega.
A quinta e penúltima sesión deste ciclo sobre o medio rural terá lugar o vindeiro luns 21 de xaneiro ás 19h. da man de Iván Rodríguez Paz, veterinario e director técnico da Asociación de Criadores de Gando Porcino Celta (ASOPORCEL).
Fotos cedidas.