EconomíaEconomíaÚltima hora

A rendibilidade da castaña con selo de calidade

A IXP Castaña de Galicia impartía unha xornada técnica sobre este selo e o futuro dos soutos galegos no Barco
Manuel Vilariño, secretario da IXP Castaña de Galicia, durante a súa intervención./ Foto: Carlos G. Hervella.
Manuel Vilariño, secretario da IXP Castaña de Galicia, durante a súa intervención./ Foto: Carlos G. Hervella.

A castaña, un froito de outono con especial arraigo e importancia no interior de Galicia, é unha fonte de riqueza e un produto tremendamente escaso. Pero para convertelo nun produto rendible é preciso apostar por producir con outros criterios e introducindo técnicas novas. Con esta mensaxe iniciaba o secretario da IXP Castaña de Galicia, Manuel Vilariño, a súa intervención na xornada “A marca de calidade IXP Castaña de Galicia e o futuro dos soutos”, celebrada na tarde do 25 de setembro na Casa Grande de Viloira (O Barco).

Partía da realidade da produción actual de castaña en Galicia, pensada para o autoconsumo e con variedades mesturadas que “non permiten ter o mesmo rendemento que se houbera unha monovarietal”. Tamén falaba da castaña para venta en fresco e para uso industrial, isto é, a chamada segunda transformación, na que se demandan cunhas determinadas características (que pelen e tabiquen ben). Neste último caso incidía na diferencia entre “a calidade organoléptica e calidade industrial, esta última e a que dá rendemento”.

Asistentes á xornada na Casa Grande de Viloira (O Barco)./ Foto: Carlos G. Hervella.
Asistentes á xornada na Casa Grande de Viloira (O Barco)./ Foto: Carlos G. Hervella.

Vilariño aportaba tamén unha serie de recomendacións para facer novas platancións con bo criterio (plantas con garantía, elección de variedades de comercialización axeitada, marcos de plantación…) e relataba os pasos que se están a dar dende o sector galego da castaña para tentar revertir esa situación de partida. Nese avance desempeña un papel clave a Indicación Xeográfica Protexida (IXP) Castaña de Galicia, cuxa inscrición definitiva no DOCE (Diario das Comunidades Europeas) tiña lugar en maio de 2010. “É un criterio de calidade, de protección e de responsabilidade para todas as Administracións”, destacaba.

Na súa exposición tamén explicaba como está composta esta IXP e as súas funcións, ademais de detallar cales son as zonas de produción amparadas baixo este selo e as variedades incluídas e como pode solicitar un produtor formar parte dela, entre outras cuestións.

Texto: Ángeles Rodríguez
(Máis información na edición en papel do Periódico O Sil).

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close