O curso “A Ribeira Sacra. Protección dun paisaxe natural. Candidato a Patrimonio Mundial” vén de comezar na mañá do 15 de xuño en Santiago no Salón dos Reis do Parlamento de Galicia. Estas xornadas están sendo organizadas pola Universidade Menéndez Pelayo. O acto inaugural contaba coa presenza do conselleiro de Cultura, Román Rodríguez, e do Valedor do Pobo, o valdeorrés José Julio Fernández.
Este curso ten como principal obxectivo impulsar a inclusión deste enclave na lista do Patrimonio Mundial da UNESCO. Deste xeito, entre o luns 15 de xuño e o vindeiro xoves día 18, un equipo multidisciplinar de expertos composto por xeógrafos, edafólogos, xuristas, historiadores e arqueólogos analizarán distintos aspectos da Ribeira Sacra, co fin de elaborar un documento técnico que sustente esta candidatura perante a UNESCO.
