EconomíaEconomíaÚltima hora

A Ribeira Sacra lanza a súa candidatura para converterse na sétima reserva da biosfera de Galicia

A presentación tivo lugar no día de onte, 8 de agosto, no Concello de Pantón

 

Ribeira Sacra. Foto: Carlos G. Hervella.

 

A Ribeira Sacra presentou no día de onte, 8 de agosto, a súa candidatura para converterse na sétima reserva da biosfera de Galicia. O acto, polo que se presentan os 23 concellos de Lugo e Ourense que abranguen o espazo conformado pola Ribeira Sacra e as Serras do Oribio e Courel, tivo lugar no Concello de Pantón.

O acto contou coa participación da conselleira de Medio Ambiente, Territorio e Vivenda, Ángeles Vázquez, quen subliñou a importancia desta candidatura para reforzar e completar a protección dos elementos máis senlleiros que conforman o patrimonio natural galego e axudar a fomentar o respecto polo medio ambiente.

O director do Instituto de Biodiversidade Agraria e Desenvolvemento Rural (IBADER), Pablo Ramil, foi o encargado de facer a presentación técnica da candidatura da Reserva da Biosfera Ribeira Sacra e Serras do Oribio e Courel, unha zona que aglutina en total a 18 concellos de Lugo (Bóveda, Carballedo, Chantada, Folgoso do Courel, O Incio, Monforte de Lemos, Pantón, Paradela, A Pobra do Brollón, Portomarín, Quiroga, Ribas de Sil, Samos, Sarria, O Saviñao, Sober, Taboada e Triacastela) e cinco da provincia de Ourense (Castro Caldelas, Nogueira de Ramuín, Parada de Sil, A Peroxa e A Teixeira).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close