Esta cita valdeorresa, que terá lugar no encoro de San Martiño, pechará este trofeo provincial que incluía cinco regatas
No encoro de San Martiño concluirá a Copa Deputación de Ourense de Piragüismo. A Rúa acollerá o 26 de agosto a partires das once unha das cinco regatas deste trofeo. A cita será organizada polo Club Fluvial Barco (coa colaboración co Concello da Rúa), que ademais contará con padexeiros en competición.
Esta será ademais a proba que peche esta edición do trofeo, tras as xa celebradas neste mesmo mes de agosto en Barra de Miño (11 de agosto, organizada pola Escola Municipal Ourensá) e en Allariz (19 de agosto, Fluvial Allariz).