Tardou máis do desexado pero mantense a tendencia á baixa nos casos activos de Covid-19 no municipio da Rúa, situándose nos 6 na xornada deste xoves 7 de xaneiro, dous menos que onte, segundo os datos facilitados dende a Consellería de Sanidade ao propio Concello.
Con respecto aos novos casos diagnosticados por PDIA (Probas Diagnósticas de Infección Activa) nos últimos 14 días, o número mantense entre 1 e 9 e a incidencia acumulada sitúase entre >50 e ≤150 aínda que se mantén o nivel medio alto de restriccións polo que dende o Concello decidían “continuar actuando con prudencia e, polo tanto non celebrar a feira mensual do día 7”.
