ConcellosÚltima hora

A Rúa despide a Pepe Couso

Vinculado ao Concello durante corenta anos, foi presidente do Casino e do C.D. Rúa
Pepe Couso na homenaxe da XII Festa do Codillo ao C.D. Rúa. /Foto: Carlos G. Hervella.

Paseando pola vila co periódico baixo o brazo e o cigarro nos beizos. É unha das imaxes máis coñecidas de José Couso Sotelo, un dos veciños máis coñecidos e queridos da Rúa que falecía nesta fin de semana.

Vinculado ao Concello durante máis de corenta anos onde desempeñou o labor de secretario, ao longo da súa vida, Pepe ou simplemente Couso como todo o mundo o coñecía, participou activamente en diversas actividades de tipo social destacando o seu cargo como presidente do Casino da Rúa e do C.D. Rúa que este ano celebrou o 50 aniversario.

 

Couso saudando a un dos pequenos do C.D. Rúa./ Foto: Mónica G. Bellver.

 

A súa vinculación co equipo de fútbol da vila foi moi forte, formando parte importante do club, ata o punto de recibir merecidas homenaxes. Unha delas tiña lugar en agosto de 2016 por parte dos veteranos facendo o saque de honra no triangular da Festas de Verán, e outra hai apenas catro meses. No marco da XII Festa do Codillo, o Concello da Rúa homenaxeaba ao C.D. Rúa polo medio século de historia que cumpría sendo parte protagonista os diferentes presidentes que pasaron polo club.

O maior e dos primeiros foi precisamente Couso, quen falou con paixón ante os asistentes, asegurando que o máis importante era “a unión do pobo co club que logrou que todos os que participamos empregaramos todas as nosas forzas por sacalo adiante”, e lembrando que aos nenos que xogan ao fútbol estanos educando para o futuro. Ao día seguinte do multitudinario acto, o propio club entregáballe a Pepe a bufanda conmemorativa do aniversario.

 

Membros do C.D. Rúa na homenaxe aos presidentes do club. Couso está no centro. /Foto: Mónica G. Bellver.

 

O sorriso afable e tranquilo de Pepe Couso apagábase definitivamente o sábado 18 de maio aos 82 anos de idade, tendo lugar o funeral na tarde do domingo día 19 na igrexa parroquial de Santo Estevo.

Ata sempre Couso.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close