Despois de case un ano concentrándose cada luns diante do Centro de Saúde, para reivindicar unha “sanidade primaria digna” e un novo e necesario Centro de Saúde, sen obter resultados, a Plataforma pola Sanidade da Rúa daba un paso máis convocando unnha manifestación diante do Concello. “Despois de tantos meses (e anos) seguimos esperando que nos digan algo en relación á finca que debe aportar o Concello para que o Sergas constrúa e dote o nuevo Centro de Saúde”, explicaba na convocatoria o voceiro da plataforma, Pablo Deramond, engadindo que “o novo equipo de goberno está facendo o mesmo que os demais, coa diferencia de que estes nin sequera dan explicacións”.
Atendendo á convocatoria, na mañá do 27 de novembro un nutrido grupo de veciños manifestábase baixo a chuvia por “unha sanidade pública e próxima”, mantendo a “loita polo novo Centro de Saúde”.
Fotos cedidas