Publicidade
DeportesÚltima hora

A Rúa prepárase para a VIII Carreira e Andaina Popular do Nadal

A dobre cita atlética será este domingo 22 de decembro con saída e meta na praza da Estación

Presentación da VIII Carreira e Andaina de Nadal da Rúa. /Foto cedida.

 

Cun marcado carácter solidario e festivo se presenta un ano máis a Carreira e Andaina Popular do Nadal 1 kg solidario que se celebrará este domingo, 22 de decembro na Rúa.

O programa desta VIII edición iniciarase ás 11h. na praza da Estación coa saída da andaina popular, cuns 9.000 metros totalmente en chairo. Media hora despois será a quenda dos participantes na carreira popular, cuns 8.000 m. de percorrido. Nesta proba poderán correr atletas das categorías sub18, sub20, sub23, absoluto, e máster (A, B, C, D e F), tanto masculinas como femininas. A súa saída e meta situaranse tamén na praza da Estación.

A retirada de dorsais farase na secretaría que se habilitará para tal fin na Cantina da Estación entre as 9:30h. e as 10:30h. “No momento da retirada do dorsal da carreira absoluta os participantes e acompañantes poderán facer entrega de 1 kg solidario de alimentos non perecedoiros para ser doados”, tal e como se indica dende a organización. Este evento deportivo incluirá ademais carreiras das categorías base, tanto masculinas como femininas que darán comezo a partir das 11:40h. coa proba dos sub16 (2.000 m). O programa completarase co acto de entrega de premios ás 13:15h.

Esta VIII Carreira e Andaina Popular do Nadal da Rúa está organizada por Valdemove, o Club Adas e o Concello da Rúa en colaboración coa Delegación Valdeorresa da Federación Galega de Atletismo (FGA) e era presentada na tarde do 19 de decembro no Salón de Plenos do concello rues. Ao acto acudiron o concelleiro de Deportes da Rúa, José Vicente Solarat; o presidente do Club Adas, Agustín González; o delegado da FGA en Valdeorras Manuel Rodríguez; e representantes da Policía Local e de Protección Civil da Rúa.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close