Con maior ou menor actividade, o irmanamento entre as localidades de A Rúa en Valdeorras e Almendralejo en Extremadura, está máis vivo que nunca.
E mostra diso é a iniciativa solidaria que dará comezo mañá e que vinculará a estas dúas vilas irmás da man dun veciño de Almendralejo Pedro Hierro del Hoyo, que comezará en Cádiz un novo reto vencellado ao Camiño de Santiago: “1.100 kms; 15 días; 1 motivo”.
En pleno ano Xacobeo, do 1 ao 15 de xullo, o xove percorrerá a distancia que hai entre a capital gaditana e Santiago de Compostela en bicicleta, apartándose do trazado tradicional para enlazar co Camiño de Inverno e así pasar pola Rúa, cumprindo o dobre obxectivo do reto: recadar cartos para AFIBROAL (Asociación de Fibromialxia e Fatiga Crónica de Almendralejo) e unir ás dúas localidades irmás a través da solidariedade.
A ruta está dividida en 15 etapas e será na antepenúltima, o día 13 de xullo, cando faga parada na Rúa.
Mais información no Facebook Aventuras Solidarias Extremadura.
