Prendas de todo tipo, agasallos, perfumes… Multitude de produtos a moi bo prezo poden atoparse ao longo desta fin de semana do 6 e 7 de decembro no II Mercado de Outono-Feira das Oportunidades da Rúa. Este salón está instalado no pavillón polideportivo desta localidade valdeorresa e reúne a uns 16 expositores de sectores como o téxtil, moda infantil, complementos, deporte, perfumería, bisutería, calzado, fogar, etc.
O horario de apertura do recinto feiral, cuxa entrada é de balde, é de 11h. a 21h. de forma ininterrumpida. Ademais para “animar o espazo comercial haberá inchables para os nenos, música de gaitas, chocolatada…”, tal e como se adianta dende a Asociación Empresarial de Valdeorras.
Ademais dos stands de comerciantes comarca hai tamén un posto da Asociación das Voluntarias da Caridade da Rúa.