As cores do mapa epidemiolóxico elaborado pola Consellería de Sanidade non deixa de cambiar en función dos novos casos confirmados por PCR nos últimos 7 días. E máis concretamente no concello da Rúa que o xoves 22 de outubro subía ao nivel de alerta amarelo con 9 casos activos confirmados; o domingo 25, baixaba ao verde; e hoxe, luns 26 de outubro volvía tinguirse de amarelo, confirmándose un total de 10 casos activos no municipio, dous máis que onte.
