Publicidade
EconomíaEconomíaÚltima horaViticultura

A Ruta do Viño de Valdeorras asina un convenio con Abanca

 

A Asociación Ruta do Viño Valdeorras e Abanca veñen de asinar un convenio de colaboración o 2 de marzo. No acto da rúbrica participaban o presidente desta ruta e a súa técnica, Joaquín Sánchez Rodríguez e Cristina Núñez, respectivamente; o director de zona de Abanca en Ourense Este, Diego Daniel Fernández Borrajo, e o director da oficina de O Barco, José Vicente García Méndez.

Esta asociación valdeorresa inclúe dende adegas ata concellos, pasando por hoteis ou locais de hostalaría, e a través deste convenio o banco achega “un plan de financiamento que responde de maneira integral ás súas necesidades. O documento inclúe produtos e servizos que permiten tanto acometer investimentos, como reforzar a competitividade destas empresas ou organismos. Así, os asociados contarán con produtos especificamente deseñados, entre os que destacan préstamos persoais e hipotecarios ou leasing mobiliario, con amplos prazos de amortización, posibilidade de carencias e xuros moi competitivos”, segundo se informaba tras a sinatura.

A asociación terá á súa disposición outros produtos e servizos como pólizas de crédito, liñas de desconto comercial, avais, corfirming ou factoring, segundo as súas necesidades. O convenio tamén reserva un espazo á internacionalización grazas ás liñas de comercio exterior e ao financiamento oficial a través de diversos programas do ICO e as SGR galegas.

Do mesmo xeito, os asociados poderán acceder, entre outras vantaxes, ao Programa Cero Comisións de Abanca, “que permite deixar de pagar polo mantemento das contas e tarxetas, pero tamén polas transferencias, ingreso de cheques ou outros servizos habituais. ABANCA, ademais, poñerá a súa disposición a banca electrónica, o Bróker Online ou ABANCA Pay. Tamén o servizo Appúntame, para xestionar de xeito sinxelo calquera tipo de cotas, domiciliacións ou subscricións tanto para eles como para seus clientes”, segundo esta entidade.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close