O Barco prepárase para acoller unha das probas máis senlleiras e destacadas dos ríos galegos: o Descenso de Sil. Mentres no Malecón, onde estará situada a meta, comezan os preparativos, pola vila xa se nota o tránsito de furgonetas con piraguas dos equipos que comezan a chegar.
O programa deste evento deportivo comezará ás 17:30h. coa saída do tren fluvial dende a estación do Barco. As persoas que se suban a este tren, no que a viaxe será pura festa e estará animada polo grupo valdeorrés Pándega, chegarán á estación de Sobradelo para poder desfrutar da saída, debaixo da ponte.
