DeportesÚltima hora

A segunda proba da Liga Abanca de categorías menores reúne a 122 atletas no Barco

Desenvolvíase ao longo da mañá do 16 de novembro nas pistas de Calabagueiros

 

En xornada de mañá volvía a VIII Liga galega Abanca de categorías menores de inverno ás pistas de atletismo de Calabagueiros (O Barco). Así o 16 de novembro estas instalacións acollían a segunda cita desta competición autonómica, cunhas cifras de participación similares ás da primeira fase, celebrada en outubro.

 

 

Este evento deportivo congregaba a un total de 122 atletas (tanto de categoría feminina como masculina), boa parte deles do Adas, pero tamén do Club Atletismo Rúa, das escolas deportivas trivesas e ruesas, e mesmo de Viana, entre outros. O programa encetábase ás 10:45h. coa proba de salto de pértega Sub14 (tanto en categoría feminina como masculina).

 

 

Logo viñan probas de 4×50 m lisos Sub10, Sub12 e Sub14 (masculinas e femininas), que incluían tamén control de marcas. O mesmo acontecía cos 300 ml absolutos e co salto de lonxitude Sub14, Sub16 e Sub18.

Neste evento deportivo, organizado pola Delegación Valdeorresa da Federación Galega de Atletismo (FGA), tamén se disputaban probas de salto de altura, lanzamento de peso ou de 500 ml. O control da competición estivo, unha vez máis, a cargo do Comité Valdeorrés de Xuíces da FGA.

Fotos: Delegación Valdeorresa da FGA e Club Adas Proinor.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close