En portadaÚltima hora

A selección de Lucas Mondelo, a polas medallas no Eurobasket feminino

España, vixente campioa europea, xogará na tarde do sábado o partido de semifinais con Serbia
Lucas Mondelo nun dos momentos do partido de España contra Rusia./ Foto: FEB.

 

Encadeando vitorias, a selección española de baloncesto feminino, que dirixe o técnico de orixe valdeorresa Lucas Mondelo, xa está en semifinais no Eurobasket feminino de Riga-Serbia. A vixente campioa europea tiña claro que había que defender o título e comezaba vencendo a Ucraína o 27 de xullo cun notable marcador de 77 a 95. Ao día seguinte, derrotaba a Gran Bretaña por 67/59 e o 30 de xuño as españolas lograban o seu billete a cuartos de final tras impoñerse cun axustadísimo marcador de 56 a 59.

Novamente a selección española facía gala da súa calidade e ganaba a Rusia cun demoledor resultado de 78 a 54 en cuartos, co cal entraba xa nas semifinais. Esta é a sétima semifinal do combinado español. Unha serie que se iniciaba no Europeo do 2013 de Francia e que chega ata o actual europeo.

Dende que Lucas Mondelo é seleccionador español, este equipo sempre se mantivo na loita polas medallas. E así o fará novamente no encontro previsto para a tarde deste sábado 6 de xullo, no que España se medirá con Serbia.

Entre os seguidores que animarán ás españolas neste encontro dende as bancadas estarán familiares de Lucas Mondelo, que veñen seguindo o Eurobásket a pé de pista dende o principio como Pedro García, levando ademais a bandeira de “Os Careca”.

 

Pedro García, tío de Lucas Mondelo, seguindo o partido dende as bancadas./ Foto: FEB.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close