DeportesÚltima hora

A selección española de Mondelo debuta con vitoria ante Xapón na Copa do Mundo de básket feminino

O equipo español impoñíase en Tenerife por 84 a 70 á selección nipona no primeiro encontro desta competición
Lucas Mondelo dando instruccións ás xogadoras nun dos tempos mortos do partido fronte a Xapón./ Foto: Pedro García.

 

Moi boas sensacións no primeiro partido de España na Copa do Mundo de baloncesto feminino, celebrado na noite do 22 de setembro en Tenerife. A selección española, dirixida polo valdeorrés Lucas Mondelo, debutaba vencendo a Xapón por 84 a 70 nun partido complicado no que dominaba claramente.

O conxunto español comezaba adiantándose xa dende o primeiro cuarto, mantendo unha cómoda vantaxe de ata 19 puntos nalgunhas ocasións. Sen embargo, a selección nipona non “baixaba os brazos” e loitaba ata o final pola vitoria. Así, no último cuarto do partido aproveitaban cada ocasión e lograban diminuír a vantaxe española, chegando a estar ata nove puntos da selección de Mondelo. España soubo reaccionar a tempo e remontou, chegando a finalizar con 14 punto por diante de Xapón.

 

Lucas Mondelo falando con membros do seu equipo na selección./ Foto: Pedro García.

 

A selección de Lucas Mondelo destacou pola súa sólida defensa, polo seu carácter e gran labor de equipo. Tamén destacou o traballo de banquiño con moita rotación. No partido as bancadas do pavillón estaban cheas de público, que animaba a España. Entre el estaban membros da familia de Lucas Mondelo “Os Carecas”, como os seus pais Lucas e Charo, ademais de Pedro e Blanca. O seguinte rival de España será Porto Rico.

 

O seleccionador de orixe valdeorresa Lucas Mondelo co seu pai, antes do encontro./ Foto: Pedro García.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close