OurenseÚltima hora

A televisiva Lucía Pérez fará o saque de honra no partido benéfico “Mételle un gol ao cancro de mama”

O encontro será o sábado 19 de outubro ás 12:30h. no campo de fútbol de Salesianos entre os equipos EFF Rosalía e Mulleres de Ourense

Cartel do partido benéfico.

 

As Xuventudes Socialistas xunto coa Escola Feminina de Fútbol Rosalía –única escola de fútbol feminino de Ourense- e en colaboración coa Asociación Española contra o Cancro organizan un partido benéfico de fútbol baixo o lema “Mételle un gol ao cancro de mama”, para recoller fondos en beneficio da loita e investigación contra esta enfermidade. Un partido cuxo saque de honra será realizado pola cantante e presentadora galega Lucía Pérez.

O partido xogarase o vindeiro sábado 19 de outubro, Día Mundial da Loita Contra o Cancro de Mama, ás 12:30 horas no campo de fútbol do colexio Salesianos, en Ourense. Os equipos estarán formados polas rapazas do EFF Rosalía (e os filiais da súa escola) e o equipo Mulleres de Ourense, formado por mulleres de diferentes ámbitos da sociedade ourensá (política, prensa, educación, asociacionismo e deporte) que contará con Fernando Currás -míster da UD Ourense- e Fran Justo -míster do Ourense CF- como adestradores. Tamén contará coa colaboración da Federación de Árbitros

As entradas, cun importe de 5€, irán destinadas á investigación e poden obterse nos seguintes puntos de venda: Sede da AECC Ourense (c/ Curros Enríquez, 26 1º izq), Sede do PSdeG-PSOE de Ourense (c/ Ribeira de Canedo, 24-26), Oficina municipal do PSOE (C/Barreira, s/n), na Asociación Xuvenil Amencer (Pza/ Don Bosco, 1) e no campo do club deportivo Velle. Durante o descanso e co número asignado na entrada realizarase un sorteo de camisetas doadas pola empresa Be Happiness, entidade colaboradora co partido.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close