DeportesÚltima hora

A tempada de pesca para a troita irá do 15 de marzo ao 31 de xullo, excepto en masas de auga salmoneiras e de montaña nas que comezará o 1 de maio

O Comité Galego de Pesca Fluvial vén de aprobar as condicións para a práctica desta actividade na vindeira tempada

 

A Consellería de Medio Ambiente,Territorio e Vivenda celebraba, na mañá do 12 de novembro, a reunión anual ordinaria do Comité Galego de Pesca Fluvial, na que se aprobaron as condicións para a práctica desta actividade durante a tempada 2020. A directora xeral de Patrimonio Natural, Belén do Campo, presidiu esta xuntanza, que contou coa participación de representantes dos sectores implicados na pesca continental en Galicia. 

No tocante ao salmón, o período xeral abranguerá do 1 de maio ao 31 de xullo, mantendo uns períodos específicos nos coutos compartidos con Asturias, así como no río Ulla, no que para a vindeira tempada pecharase ao acadar a cota establecida ou o 30 de xuño.

As cotas de captura serán similares ás da pasada tempada nas provincias da Coruña, Lugo e Ourense. Concretamente, no río Mandeo (A Coruña) establécense 5 exemplares; nos ríos Masma e Salmeán (Lugo), a cota é de 15 e 10 exemplares, respectivamente; e no río Miño (en Ourense) fixase en 8 exemplares. Pola súa banda, as cotas nos ríos da provincia de Pontevedra son de 40 exemplares no río Ulla. O límite segue a ser dun salmón por pescador e día, e tamén se mantén a autorización dos engados permitidos. Polo que respecta ao reo, mantense o período do 1 de maio ao 31 de xullo, prolongándose ata o 30 de setembro nalgúns coutos.

 

Pescador no río Sil. /Foto: Carlos G. Hervella.

 

En relación á troita, a tempada abrirase o 15 de marzo prolongándose ata o 31 de xullo, coas excepcións das masas de auga salmoneiras e as masas de auga de montaña, nas que a tempada comezará o 1 de maio. Por outra banda, nos coutos de pesca intensiva e nos tramos de pesca sen morte, a tempada prolóngase ata o 30 de setembro; nos coutos con convenio a tempada prolóngase ata esta mesma data na modalidade de pesca sen morte.

Con respecto á nova Lei de Pesca Continental de Galicia, que se está ultimando, a directora explicou que “permitirá avanzar en tres aspectos principais: garantir o relevo xeracional, potenciar de xeito progresivo a instauración da modalidade de pesca sen morte, facéndoa compatible co modelo extractivo actual e converter a pesca nun instrumento dinamizador do rural”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close