ConcellosÚltima hora

A Torre da Homenaxe de Monforte tínguese de verde para recoñecer o labor dos traballadores esenciais

 

Na noite deste venres 3 de abril a Torre da Homenaxe de Monforte de Lemos, un dos edificios máis emblemáticos e visibles desta cidade, iluminábase de “verde esperanza” como mostra dun recoñecemento moi especial.

“O obxectivo é recoñecer e agradecer a encomiable labor e o enorme esforzo que día a día están a facer os traballadores e traballadoras dos servizos esenciais, establecidos polo estado de alarma motivado pola pandemia do COVID-19”, tal e como indica o Concello de Monforte de Lemos.

Deste xeito, dende o goberno municipal pretende render homenaxe a todas aquelas persoas que, dende os seus postos de traballo, están a loitar incansablemente para paliar os efectos do coronavirus.

Con este xesto, o alcalde, José Tomé Roca, quere facer partícipes a todos os veciños e veciñas de Monforte “do noso agradecemento a toda esta xente que segue a traballar na loita común contra o COVID-19:  o persoal sanitario, os Corpos e Forzas de Seguridade do Estado, o sector primario, as diferentes Administracións, e tamén todas aquelas persoas que de maneira altruísta están tamén a colaborar nesta fronte común que é a loita mundial contra o coronavirus”.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close